تساءل الكاتب الصحفي المشاغب ( أبو خليل ) إبراهيم عيسى ـ رئيس تحرير الدستور ـ عما إذا كان هناك اى جهة قد اهتمت بتحديد نسبة مشاهدة خطاب الرئيس مبارك في افتتاح الدورة البرلمانية الج
ديدة أمس الأول الأحد 23/11/2008 او حتى هناك استطلاعات رأى أو استبيانات توضح و تحدد نسبة مشاهدة خطاب الريس ( مبارك طبعا ) خلال الأعوام السابقه أو المناسبات السابقة التي يتحفنا فيها كتبة الرئيس بخطاب منه إلى عموم مواطنين الشعب المصري المغلوب على أمره .يا أبو خليل هو أنت موش عارف نسبة المشاهدة يعنى و لا ايه ؟
ولا أنت يكون بس عايز حد يرد عليك و يقولك و انت مال اهلك مثلا ؟
يعنى يا عمنا بتسأل عن نسبة مشاهدة خطاب الرئيس في مصر ،و انت عارف ان اخر حاجة بيفكر فيها المصري انه أصلا يفتح التليفزيون المصري إلا عشان يشوف متشات أبو تريكه لو مش مذاعة على الفضائي ولا أنت ايه رأيك ؟
وانت يا ابو خليل عمال تغنى و ترد على نفسك ان لا سواقين التاكسى و العربيات و لا حتى بتوع القهاوى كانو مشغلين الخطاب و مش كدا و بس و بتقارن كمان بين خطابات ناصر و خطابات مبارك ينهار ابيض يا جدعان ....؟!
ابو خليل خطابات ناصر كان بيسمعها العالم العربي و أمريكا و إسرائيل و طبعا فرنسا و انجلترا اما خطابات الريس ـ الله يبارك ف عمره ـ ممكن تقدر تقول بيسمعها عبدالله كمال و رؤساء تحرير الصحف القومية عشان قال ايه يحليلوا ما جاء فيها و كأن بها جديد . وأنا والله مش عارف هما بيضحكو على مين بالظبط الشعب عارف كل حاجة و انا واحد من الشعب و بقولك مكنش فيها جديد بالرغم من انى لم اسمعها ولم اشاهدها و لن اشاهدها .
تعرف يا أبو خليل حاجة كمان الناس لاحظت انه حتى لو حصل و كان فى حاجة مهمة فالذى يتصدى لها بخطاب نارى او تصريحات عنترية هو الوريث الغير شرعي لحكم مصر السيد جيمي زى ما حصل ف موضوع النووي ولو انه طلع على مفيش لكن اهو اللى بيحصل .
عايز أسألك يا أبو خليل شوية أسئلة بمناسبة خطاب الرئيس دا اللي أنت كنت بتحكى عنه .
هل تتخيل ان واحد مثلا واقف من صبحية ربنا لغاية الساعة اتناشر ظهراً عشان المسكين يجيب باتنين ج
نيه عيش ( بتاع علف الحيوانات ) هيسيب الطابور بتاعه بعد ما خلاص الدور قرب و يروح يسمع خطاب الريس ؟ولا واحد ركب الأتوبيس و هو ف عز الزحمة و خد وهات و شغال مغامرات سندباد عشان يلاقى مكان لرجله فى الأتوبيس يقف ممكن الاخ دا يفكر بس انه يطلع الراديو الترانزستور بتاعه اللى بيسمع بالليل عليه ظلموه و الحلم الجميل يقوم يشغل خطاب الريس ؟
ولا الشباب اللى كل يوم من الصبح وهما بيلفو على الشركات و بتوع الكشري و الكافتيرات عشان يلاقو قال ايه ( فرصة ) عمل خلى بالك من كلمة ( فرصة ) دى .
ودول يا عينى بعد ما اتهلكو خمستاشر سنة حفظ و صم و امتحانات و مذاكرة و دروس خصوصية و ضرب في مظاهرات الجامعة عايزين يشتغلو و يكسبو فلوس ..مساكين فاكرين نفسهم زى .. ولا بلاش.. المهم تتخيل أن دول ممكن يتوقفوا عن البحث المضني في مصر عن الكنز المفقود ( فرصة عمل ) و يشاهدوا خطاب الريس؟ 
ولا المساكين الطلبة بتوع الجامعة يعنى يسيبو معاركهم اليومية مع الطلبة الامنجيه و بتوع امن الدولة و الاعتصامات و الوقفات و المظاهرات وخلافه و يروح يسمعوا خطاب الريس؟
ولا عمال المحلة و كفر الدوار و العاشر من رمضان و المناطق الصناعية تتخيل انهم يسيبو الماكينات شغالة ولا المعتصمين عشان الأجور و المكافآت كله يسيب حاله و يروح يسمع خطاب الريس ؟
ولا الإخوة المستوظفون الحكوميون اللي كل يوم لازم يفطروا فول و بصل و يحلوا الكلمات المتقاطعة و السودكو بتاع الدستور و المصري اليوم ..تتخيل أنهم يسيبو معاركهم اليومية مع السودكو و الكلمات المتقاطعة و ما تمثل لهم من عصف زهني لتعزيز القدرات الفردية للمساعدة على سير العمل الحكومى بشكل لائق ..تتخيل إنهم يسيبو دا كله و يسمعوا خطاب الرئيس؟
ولا كمان جدي و جدك بتوع زمان اللي لسه عايشين في أيام أم كلثوم و لعب الضمنو و الطاولة و الشاي بالحليب و الجنيه اللى بيجيب تلاته كيلو لحمة تتخيل ان دول هيسيبو قعدة الانس و الفرفشة و الطاولة بتاعتهم و يقعدوا يشاهدوا خطاب الرئيس ؟
إذا كان أنت يا ابوخليل نفسك واضح انك مسمعتش الخطاب و قعدت تلف بالعربية اللي رزقك بيها ربنا فعايز الناس تسمع خطاب الريس طب ليه يا أبو خليل ؟
هو أنت عارف يعنى مثلا إن خلاص السيد المبجل الدكتور الجبلي صلح مستشفيات مصر الحكومية و مستشفيات الإمراض العقلية و بقت خلاص مستعدة لاستقبال المرضى و النفسيين من جماهير الشعب المصري اللي هتسمع الخطاب وخلاص بقى ف أدوية و أكسجين و أطباء و خدمات معقولة ، ومفيش انقطاع كهربة و حرائق و سرقة الكلية ولا اللوز و لا حتى الطحال ؟
يا راجل حرام عليك أنت عايز ايه من الناس بس .. سيبهم ف حالهم .
كفايه اللي حصلهم يا عم .
عايزهم كمان يسمعوا خطاب الريس دا انت مفترى يا اخى .
عموما يا باشا إجابة سؤالك عن معدل اللي بيشاهد خطاب الرئيس هسيبك تفكر فيه شوية .
ولا المساكين الطلبة بتوع الجامعة يعنى يسيبو معاركهم اليومية مع الطلبة الامنجيه و بتوع امن الدولة و الاعتصامات و الوقفات و المظاهرات وخلافه و يروح يسمعوا خطاب الريس؟
ولا عمال المحلة و كفر الدوار و العاشر من رمضان و المناطق الصناعية تتخيل انهم يسيبو الماكينات شغالة ولا المعتصمين عشان الأجور و المكافآت كله يسيب حاله و يروح يسمع خطاب الريس ؟
ولا الإخوة المستوظفون الحكوميون اللي كل يوم لازم يفطروا فول و بصل و يحلوا الكلمات المتقاطعة و السودكو بتاع الدستور و المصري اليوم ..تتخيل أنهم يسيبو معاركهم اليومية مع السودكو و الكلمات المتقاطعة و ما تمثل لهم من عصف زهني لتعزيز القدرات الفردية للمساعدة على سير العمل الحكومى بشكل لائق ..تتخيل إنهم يسيبو دا كله و يسمعوا خطاب الرئيس؟
ولا كمان جدي و جدك بتوع زمان اللي لسه عايشين في أيام أم كلثوم و لعب الضمنو و الطاولة و الشاي بالحليب و الجنيه اللى بيجيب تلاته كيلو لحمة تتخيل ان دول هيسيبو قعدة الانس و الفرفشة و الطاولة بتاعتهم و يقعدوا يشاهدوا خطاب الرئيس ؟
إذا كان أنت يا ابوخليل نفسك واضح انك مسمعتش الخطاب و قعدت تلف بالعربية اللي رزقك بيها ربنا فعايز الناس تسمع خطاب الريس طب ليه يا أبو خليل ؟
هو أنت عارف يعنى مثلا إن خلاص السيد المبجل الدكتور الجبلي صلح مستشفيات مصر الحكومية و مستشفيات الإمراض العقلية و بقت خلاص مستعدة لاستقبال المرضى و النفسيين من جماهير الشعب المصري اللي هتسمع الخطاب وخلاص بقى ف أدوية و أكسجين و أطباء و خدمات معقولة ، ومفيش انقطاع كهربة و حرائق و سرقة الكلية ولا اللوز و لا حتى الطحال ؟
يا راجل حرام عليك أنت عايز ايه من الناس بس .. سيبهم ف حالهم .
كفايه اللي حصلهم يا عم .
عايزهم كمان يسمعوا خطاب الريس دا انت مفترى يا اخى .
عموما يا باشا إجابة سؤالك عن معدل اللي بيشاهد خطاب الرئيس هسيبك تفكر فيه شوية .
